Dijaus 17 de seteme
La Cafetière
17 h

Que parlam gascon ! Que mos i tornam !

Talhèr de conversacion entaths que parlan un bricalh, fòrça, dambe passion o coma pegasses eth occitan e qu’an hame d’arretrobà’s entà partatjar eth plaser de charrar e d’escambiar sus subjèctes variats ena lenga deth país. En tota simplicitat e en un ambient descontractat : que parlam de tot, mès en gascon ! Un moment unic e importent que balha vita ara lenga, en un eisharamat de mots, de gèstas e d’expressions, que mos arregalam, vénguetz-mos véder e en tot béver un còp, solide que i passeram un bon moment !
Animat per Matiu Fauré.
Arrensenhaments, inscripcions :
lacafetiere.aurignac@gmail.com / 06 76 68 59 43

Divendres 18 de septembre
M.J.C. Ciberbasa : 1 place Maréchal Juin
17h30 - 19h30

Talhèr d'occitan gascon

Basat sus eth occitan tau coma e’s parla en Comenge, era lenga ensenhada qu’ei tirada deras cuelhudas hètas en Comenge e en Coserans, entà tornar trobar eths mots de tot dia ! Aqueth talhèr qu’ei un moment conviviau qu’abarreja discussion, jòcs e exercicis, visitas, intervencions o autas activitats creativas que permeten de descobrir e de practicar eth gascon de faiçon ludica e activa, en tot (tornar) tastar ua cultura de non pas créder o tròp soent maumiada.
Alternància entram descobèrta, explicacion e oralitat blossa.
Animat per Matiu Fauré
Prètz : 130€/an (en baishar s’atacatz mès tard)
Organizacion : M.J.C. de Sent Gaudenç en partenariat dambe Eth Ostau Comengés.

Contact : 05 61 94 66 45 / info@mjc-st-gaudens.org / https://www.mjc-st-gaudens.org /
mathieu.faure@ostaucomenges.org

Dissabte 26 de seteme

Hèira coma bèth temps a

10h e 14h00 : visita comentada de Valentina (era bastida e eth siti roman e paleocrestian d’Arnesp), ara descovèrta dera toponimia occitana e dera istòria locala) e animada per Mathieu Fauré.
Rendètz-vos Plaça deth Bordalés
Gratuït

Dimècres 30 de seteme
La Cafetière
18 h

Teatre en occitan

Eths escolans dera opcion occitan deth coletgi d'Aurinhac que presenteràn eth conde Eth anèth d'òr que’s passa ath país d’Ací deth temps deth arrei Granric. O coma ua hlaüta magica, ua hada e un porcatèr n’averen acabat dambe eths maishants...
Gratuït
Organizat pera Cafetière

Dissabte 10 d’octobre
Mediateca intercomunala
9h30 - 17h00

ESCRIVANS, jornada ath torn dera escritura en occitan

9h30 : Arcuelh e retorns sus era prumèra edicion d'Escrivans ara Prima
10h10 : Adeline Yzac : noirir era sua practica d’escritura peras suas practicas de lectura
11h30 : Intervencion de Xavi Gutierrez : Pervertir o non pervertir pas ? S'entrainar a escríver en eths passes deths sues modèles.
12h00-14h00 : Repèish partatjat ofèrt peth CIRDOC - Institut occitan de cultura
14h00 : Talhèr d’escritura miat per Joan-Loís Lavit
16h00 : Visita dera mediatèca e dera exposicion en cors.
17h00 : Barradura dera jornada.

Inscripcions :
http://abrac.at/escrivans26 /
s.juan@oc-cultura.eu

Aqueth guida qu’ei pensat coma ua memòria de Sent Gaudenç e deth pèmont deth Comenge : istòria, pòble, personatges famoses, paisatges, environament, eths vilatges, eths monuments... e dera sua lenga tanplan. Qu’invita a descobrir un país singular, abitat dempús era preistòria. Entà hèr brac, aqueth libet qu’ei hèt entà balhar era hame, a un visitaire o a un abitant curiós, de conéguer miélhor eth son parçan.
En francés. N°4 dera Colleccion Passejadas, per Joan-Claude Clermont

Quines racondes, quinas credenças an hargat eth imaginari deras hemnas e deths òmes de Gasconha, dera preistòria dinc ath dia d’aué ? Eth libe que presenta eths mites o eths arrites descobèrts sus era Gasconha per arqueològues, istorians, mitològues o folcloristas. Que bota en evidéncia era ancianetat, era contunhetat, era evolucion, e soent era proximitat dambe eths d’autes pòples. Un trebalh en pregontor que’n hè un libe d’arreferéncia sus aqueth subjècte.
Per Anna-Pèir Darrées
Mythologie de Gascogne - Anne-Pierre Darrées