Planvenguda peth siti deth Ostau Comengés
Bienvenue sur le site internet d'Eth Ostau Comengés


Qué de nau ?

Deth simpòsi de Reus en mai de 2017 ara Sent Joan de 2018 en Comenge-Varossa :
Eth Ostau Comengés que torna aviar era hlama !


Eth Ostau Comengés que contunha eth son trabalh de sauvaguarda e de sensibilisacion ath entorn deras hèstas deth solstici d’estiu en Comenge e Varossa. Era inscripcion d’aqueras tradicions pirenencas ath Patrimòni Culturau Immateriau dera Umanitat pera UNESCO ja atèsta dera hòrt grana valor d’aquera partida dera nòsta civilisacion. Pr’aquò, non s’arrèsta pas aquiu, mès que james, que mos cau estudiar era realitat d’aqueras practicas mès tanben sensibilisar eth public entà tornar dar ad aquera hèsta collectiva tota era sua vigor et tot eth son sentit. Eth liberòt Era Sent Joan - Comminges et Barousse, qu’acabam de publicar e que presentèrem eth 26 de mai tara « Trobada Fallaire » que’s tenguec a San Juan de Plan (Aragon), que va exactament en aqueth sens1.
Ua exposicion e tanben eth cicle de conferéncias Era Sent Joan en Comenge e Varossa, en arreprénguer eras nòstas intervencions deth Simpòsi Festes de foc a la Mediterrània organisat en mai de 2017 a Reus (Catalonha), que viatgèren per tot Comenge e Varossa deth 1èr dinc ath 23 de junh. Aqueths eveniments que permeteren ath Ostau Comengés d’arrencontrar eths elegits e eths abitants, d’escambiar e d’aprénguer, gràcias ad aqueres escambis, aspèctes desconeguts dera Sent Joan e de parlar deths enjòcs e deras exigéncias ligats ath classament UNESCO. Aqueth cicle, realisat en quadre deth hestau Total Festum, que s’acabèc eth 23 de junh, a Sarp, dambe ua jornada especiala Sent Joan, organisada en partenariat dambe era comuna, qu’a sabut manténguer viu aqueth patrimòni collectiu e popular, e era associacion Serpettes et chaudrons, especialisada ena recèrca sus eras plantas e eth mieilòc naturau.
Era renommada deras hèstas deth solstici d’estiu en eths Pirenèus que s’esplandís largament ath delà deth espaci pirenenc. Atau eth Festival Smithsonian Folklife, prumèra exposicion de cultura populara immateriala en món qu’ a lòc cada mes de julhet a Washington, qu’a causit d’invitar enguan eras culturas catalana e armeniana ath entorn deth tèma « entrepresas creativas e activitats culturalas que genèran valors economicas e socialas entaras comunautats peth monde sencèr ». Ad aquera ocasion, era Catedra d’Educacion e Patrimòni Immateriau deras Pireneas dera Universitat de Lleida (Catalonha) que presenterà eths elements majors deth patrimòni immateriau pirenenc e exemples de halhòts comengeses que i seràn exposats. Era Catalonha qu’estèc causida peths organisators deth Smithsonian Institute pera sua longa tradicion d’organisacions, tan formalas coma difusas, qu’an coma objectiu de manténguer hòrt eth sentiment d’identitat locala. Qu’ei donc gràcias ara determinacion catalana qu’era cultura gascona podec trobar plaça en aqueth temps major d’escambis e de discussions entre eras culturas deth món, lonh deths jutjaments de valor, deths estereotips e deths enjòcs politics.
Que podem donc constatar un interès plan viu – autant ara escala locala, pirenenca o internationala – e qu’èm uroses de constatar que un pialèr d’actors an hame de tornà’s apoderar aquera tradicion. Tanplan qu’ei bilhèu arribat eth moment de lançar ua vertadera sinergia populara en Comenge-Varossa e perqué pas crear, coma se hè dejà en Catalonha, ua associacion de halhaires, un collectiu qu’ ammasseria eths actors – comunas, comitats deras hèstas, benevòles – d’aquera tradicion ?

1 FERRÉ (Jean-Paul) et MÉNÉTRIER (Bernat), Era Sent Joan, Comminges et Barousse, 32 pajas, Eth Ostau Comengés, 2018 (prètz 5 €, a comandar sus http://www.oralitatdegasconha.net)



Quoi de neuf ?

Du colloque de Reus en mai 2017 à la Sent Joan 2018 en Comminges-Barousse :
Eth Ostau Comengés ravive la flamme !


Eth Ostau Comengés continue son travail de sauvegarde et de sensibilisation autour des fêtes du solstice d’été en Comminges et Barousse. L’inscription de ces traditions pyrénéennes au Patrimoine Culturel Immatériel de l’Humanité par l’ UNESCO atteste de la très grande valeur de ce pan de notre civilisation. Cependant, ce n’est pas une fin en soi et, plus que jamais, nous devons étudier la réalité de ces pratiques mais aussi sensibiliser le public, afin de redonner à cette fête collective toute sa vigueur et tout son sens. Le livret Era Sent Joan Comminges et Barousse, que nous venons de publier et que nous avons présenté le 26 mai lors de la « Trobada Fallaire » qui a eu lieu à San Juan de Plan (Aragon), va exactement dans ce sens1.
Une exposition ainsi que le cycle de conférences Era Sent Joan en Comenge e Varossa, reprenant nos interventions du Symposium Festes de foc a la Mediterrània organisé en mai 2017 à Reus (Catalogne), se sont déplacés à travers le Comminges et la Barousse du 1er au 23 juin. Ces évènements ont permis à l’Ostau Comengés de rencontrer les élus et les habitants, d’échanger et d’apprendre, grâce à ces échanges, des aspects méconnus de la Saint-Jean et d’évoquer les enjeux et les exigences qui découlent du classement UNESCO. Ce cycle, réalisé dans le cadre du festival Total Festum, s’est achevé le 23 juin, à Sarp, lors d’une journée spéciale Sent Joan, organisée en partenariat avec la municipalité, qui a su maintenir vivant ce patrimoine collectif et populaire, et l’association Serpettes et chaudrons, spécialisée dans la recherche sur les plantes et le milieu naturel.
La renommée des fêtes du solstice d’été dans les Pyrénées déborde largement le cadre du massif pyrénéen. C’est ainsi que le Festival Smithsonian Folklife, première exposition de culture populaire immatérielle au monde qui a lieu chaque mois de juillet à Washington, a choisi cette année d’inviter les cultures catalane et arménienne autour du thème « entreprises créatives et activités culturelles générant des valeurs économiques et sociales pour les communautés de par le monde ». À cette occasion, la Chaire d’Éducation et Patrimoine Immatériel des Pyrénées de l’Université de Lleida (Catalogne) présentera les éléments majeurs du patrimoine immatériel pyrénéen et des exemples de halhòts (flambeaux) commingeois y seront exposés. La Catalogne a été choisie par les organisateurs du Smithsonian Institute pour sa longue tradition d’organisations, autant formelles que diffuses, ayant pour but de maintenir un fort sentiment d’identité locale. C’est donc grâce à la pugnacité catalane que la culture gasconne a pu avoir sa place dans ce grand temps d’échanges et de discussions entre les cultures du monde, loin des préjugés, des stéréotypes et des enjeux politiques.
Nous constatons donc un vif intérêt – que ce soit à l’échelle locale, pyrénéenne ou internationale – et nous sommes heureux de constater que de nombreux acteurs ont la volonté de se réapproprier cette tradition. Aussi, le moment est peut-être venu de lancer une vraie synergie populaire en Comminges-Barousse et pourquoi pas créer, comme cela existe déjà en Catalogne, une association de halhaires, un collectif qui regrouperait les acteurs – mairies, comités des fêtes, bénévoles – de cette tradition ?

1 FERRÉ (Jean-Paul) et MÉNÉTRIER (Bernat), Era Sent Joan, Comminges et Barousse, 32 pages, Eth Ostau Comengés, 2018 (prix 5 €, à commander sur http://www.oralitatdegasconha.net)









Une



Entà véder eras nòstas actualitats, clicar ací



Entà contactar-mos / Pour nous contacter : contact@ostaucomenges.org

Arretrobatz eras nòstras produccions (libes, libes-CD, DVD) ena nòstra botica en linha
Retrouvez nos productions (livres, livres-CD, DVD) sur notre boutique en ligne
http://www.oralitatdegasconha.net