2020


Amassada "Festes del Foc dels Pirineus"

Eth 25 d'abriu de 2020, en plen estujament a casa, ua amassada virtuala transpirenenca que mos permetec totun d'escambiar sus eras conséquéncias dera pandemia, de véder eras solucions possiblas entà cada un e plan solide de trabalhar ara coordinació fallaire e autas accions en cors.

PROMETHEUS

Aqueth ambiciós projècte Interreg POCTEFA, sus eras hèstas de huec deths Pirenèus, qu'estèc presentat oficialament ara Universitat d'Educació, Psicologia i Treball Social de Lleida en gèr de 2020 e que prevetz fòrça projèctes pedagogics de cap aths mainatges.
https://prometheus.museum




2019

Total Festum 2019

En 2019, Eth Ostau Comengés que s'i tornèc e que participèc peth dusau còp ath hestau caminaire dera Region Occitania, Total Festum, en tot proposar conferéncias e acompanhar era comuna de Sarp, abans e pendent era hèsta.
Imatge


Trobada de la Pobla de Segur

Après San Juan de Plan en 2018, que participèrem en 2019 ara trobada fallaire de la Pobla de Segur, entà crear ua coordinacion halhaira transpirenenca.
Imatge

Simpòsi d'Andòrra

Coma en 2017 a Reus, que hórem invitats a presentar comunicacions ath IV Simposi Internacional de Focs Festius a la Mediterrània, sus eras simbologias e eths rituaus ath torn deth huec.
Imatge




2018

Total Festum 2018

En 2018, Eth Ostau Comengés que participèc peth prumèr còp ath hestau caminaire Total Festum, en tot proposar conferéncias e acompanhar era comuna de Sarp abans e pendent era celebracion.
Imatge


Trobada San Chuan de Plan

En dehòra deths simpòsis, mès cientifics, eths halhaires de cada costat deths Pirenèus que s'amassan pendent trobadas, que son moments privilegiats entà conégue's enter vesins, escambiar sus eras realitats e eras disparitats de cada parçan e sustot entà parlar accions e anar totes mès tà devant.
Imatge


2017


II Simposi Focs Festius a la Mediterrània

Eths simpòsis que son aqueres collòquis internacionaus a on s'amassan eths especilistas deth subjècte entà presentar comunicacions, documentar cientificament eras practicas e escambiar idèias. Après eth 1èr Simpòsi de Vic en 2016, Eth Ostau Comengés qu'estèc invitat a participar ath II Simposi Internacional de Focs Festiusa la Mediterrània, entà parlar dera situacion en Comenge e Varossa.
Imatge



Un hialat halhaire en Comenge Varossa

Entà aviar dinamicas e escambis eth 19 d'octobre de 2017, que volérem lançar un hialat halhaire, un collectiu deths actors dera hèsta, que son de còps fòrça isolats.



2015

Jornada d'Esterri d'Àneu

Programa dera prumèra jornada d'arrecèrcas d'Esterri d'Àneu abans era inscripcion oficiala deras hèstas deth huec deths Pirenèus ara lista representativa deth Patrimòni Culturau Immateriau dera Umanitat eth mes de deceme d'après.
Imatge