logo

Eth Ostau Comengés

Eth Ostau Comengés qu'é ua associacion creada a Barbasan, eth 25 de gèr 2003.


Objectius generaus :


Era association Eth Ostau Comengés que neishec en 2003. Qu'é composada de personas e d'arrepresentents de 11 associacions occitanas comengesas. Eth sòn but qu'é d'assegurar era defensa e era promocion dera lenga e dera cultura occitanas en Comenge. Eth Ostau Comengés que jòga atau un ròtle federator auprès deras associacions aderentas.


Missions : ajudar eras associacions aderentas


- Mutualizar eras competéncias,
- Acompanhar eras associacions enes lors projèctes, enas lors activitats…,
- Difusar eras informacions e hèr conéguer eth trebalh deras associacions,
- Centralizar eras informacions entà podé'n assegurar era coëréncia e permete'n ua difusion bèra,
- Promòver eras activitats e eras manifestacions deras associacions membras,
- Participar ara reconeishença oficiala deras lengas de França,
- Multiplicar eths contactes dab eras regions vesiás : deth Coserans ath Biarn e dera Catalonha ath Aragon.


Accions pròpas :


- Passa-Pòrts, cada an en mes de març, a Montrejau : era veirina dera cultura occitana en Comenge (bal occitan, exposicions, projeccions, conferéncias, debats, corsa a pè e caminada, sopar comengés…);
- Organizacion de seradas occitanas enes vilatjòts deth país (teatre, cant, musica, dança, condes…);
- Enquèstas sonòras e audiovisualas enà arrélher e transméter era expression orala dera cultura gascona ;
- Trebalh en arrelacion dab d'autas associacions occitanas (Nosauts de Bigòrra, l'Ostau Bearnés…); o non (ACM Running-Club, Eco-rando);
- Edicion de libes e produccion de DVD documentaris en occitan;
- Siti internet e letra d’informacion electronica.


Eth Ostau Comengés enes sòns aderents que vos propòsan tota era annada :


- Talhèrs entà aprénguer eth occitan gascon (debutants o confirmats);
- Talhèrs de danças tradicionalas occitanas;
- Talhèrs de musica occitana;
- Un siti internet, on trobaratz totas eras informacions sus era actualitat occitana, en Comenge o en quauqu'un lòc;
- Un tepèr de produïts occitans (libes, CD, drapèus, camisets...);
- Un servici de traduccion.


E era vòsta participacion ?


Se vos voletz investir en eths projèctes e eras activitats deth Ostau Comengés, obrar entara cultura e era lenga deth país, venguetz dab nosautis !

Adesion individuala : 12 € (estudiants, caumaires : 8 €)
Adesion associacion : 45 €

logo
Eth Ostau Comengés
Cinema Le Régent
16 carrèra dera Independéncia
31800 St-Gaudenç
Tél: 05 61 04 49 24
Email: contact@ostaucomenges.org