Era nòsta letra d'informacion


Entà abonà's ara letra d'informacion deth Ostau Comengés, clicar ací



logo

Junh de 2020
Junh, non got : tot le monde qu'a de tot.

Editoriau

Une EOC

Era hèsta deth soltisci d'estiu mès autraments
Qu'entram ena temporada de Sent Joan, eths dias que van pujant e un bricalh pertot que comença de sentir bon eth henc, era aulor dera èrba copada...


Total Festum 2020
Deth 15 ath 28 de junh
Tot diá, a 18h00
logo
Conferéncia en linha sus era hèsta deth solstici d'estiu en Comenge-Varossa : entà descobrir o tornar descobrir aquera tradicion autraments !
Tot dia ua videò de quauqu'uas minutas, entà parlar d'aqueth subjècte, dambe Matiu Fauré : que's tenguerà après ara vòsta disposicion entà respóner aras vòstas questions e escambiar.

Rendetz-vos pera nòsta paja Facebook :
www.facebook.com/ethostau.comenges




CONDA GASCONHA
Cada dimècres
13h30
logo
Tornatz trobar era nòsta cronica d'actualitat de Gasconha e en gascon sus Radio Présence Saint-Gaudens Pyrénées.
J’ac podetz tornar escotar sus :
www.radiopresence.com/emissions/culture/decouverte/la-guinguette-a-mathieu/article/conda-gasconha-du-03-juin



HIALAT TRAMONTANA : VENGUETZ VOTAR !
logo
Qu'èm eroses e fièrs d'anonciar qu'eth Projècte Tramontana III ei rentengut entaths European Heritage Awards / Europa Nostra 2020 Awards, era mes prestigiosa reconeishença entara conservacion deth patrimòni culturau ath nivèu europenc. Aqueth projècte qu'amassa ueit associacions de França, d'Italia, de Polonha, deth Portugau e d'Espanha : Binaural Nodar, Audiolab, Akademia Profil, Bambun, Eth Ostau Comengés, LEM-Italia, Nosauts de Bigòrra e Numériculture Gascogne.
« Aqueth projècte que promòu era idèia dera identitat europenca e sustot deth patrimòni deras montanhas d’Euròpa. Qu'ei un exellent exemple de cooperacion internationala, entre cercaires qu'an ua expériença enes diferents domaines d'estudis. Era metodologia utilisada qu'ei reproductible per tota Europa e que's pòt aplicar per tot eth continent » ça declarèc era jurada.
En aquera d'isolament e de distanciacion sociala, era Commission europenca e Europa Nostra
(www.europanostra.org) espèran encoratjar eth mes de monde possible a apreciar eths arresultats deths projèctes retenguts enguan e a partatjar eths noms deths tres favorits. Qu'ei pr'amor d'aquò que vos invitam a votar entath nòste projècte peth siti : https://vote.europanostra.org) entà ajudar-mos a obténguer eth Prèmi deth public 2020 (que vos botam eth imatge deth projècte aquiu devath entà'u tornar trobar demèst eth autes, que vo'n calerà causir dus autes mes entà completar eth 3 vòts).

En madeish temps que podetz anar sus era basa de donadas deth hialat entà véder ua partida qu'aqueth trabalh preciós : www.re-tramontana.org
Entà'n saber mès :
www.europanostra.org/europes-top-heritage-awards-honour-21-exemplary-achievements-from-15-countries/



Bonas novèlas e nautats
logo
Eth DVD (acompanhat d’un libet de 16 pajas) Pierrot de Piulet, eth portrèt d'un òme passionat e passionent.
Qu'èm a Bèthhag, vilatge deth Coserans situat ath cance deth Comenge. Pierre Bonzom, dit Pierrot de Piulet, que mos arrecep a casa sua, en quartièr a on neishec e a on demòra tostemps. Que mos conda dambe fòrça espontaneïtat tres passions suas : dompdar bueus, hèr mèu e sauvar eras vielhas varietats de pomèrs deth país.
Tres domenis que mestreja, en tota simplicitat.

Eth DVD, arrealisat per Matiu Fauré, qu'ei en occitan, dambe sostitolatge en francés. Eth libet qu'ei escrit per Joan-Pau Ferré. Qu'ei en color e que hè 16 paginas, en occitan e en francés, e plan illustradas.
Que's pòt procurar auprès dera associacion Eth Ostau Comengés – chez M. Jean-Paul Ferré – Le Bousquet – 09160 Betchat, ath prètz de 15 € (+ 5 € de pòrt). Que's pòt pagar per chèc o dirèctament per CB sus eth siti
www.oralitatdegasconha.net (pagament securizat e pòrt a gratis a compdar de 30 € de comanda).

Qu'esperam de poder organizar projeccions a compdar deth mes de seteme, entà presentar eth documentari peth territòri. Que serà tanben era ocasion d'arrencontrar Pierrot e de poder escambiar dambe eth.
Arrensenhaments : contact@ostaucomenges.org / 05 61 04 49 24.



Eth navèth album BOURRY-ROUCH - Musica traditionala - Aboès & Violon :
« Aboès e violon dançan eth Coserans »

Totes dus passionnats deras musicas tradicionalas, Michaël Bourry e Pierre Rouch que s'arrencontrèren cinc ans a ara escòla de musica de Sent Guironç a on ensenhan eth violon, eth bot, eth aboès e eth acordeon.

Aqueths dus musicians que desvelòpan ua vertadèra passion pera musica Gascona sus era quala hèn un trabalh d'impregnacion, d'arrecèrca e de compregueson autant deth costat etnomusicologic coma artistic dempús quauques ans a.
Un projèct comun que'n neishec : trabalhar sus eths cants, eras danças e musicas tradicionalas deth Coserans.

Aboès e violons tradicionaus, instruments emblematics e endemics d’aqueth nòste país de montanha : aquiu qu'avetz eth tèma deth album. Un trabalh d'arrecèrca e d'analisi deths documents cuelhuts que permet a Pierre e Michaël de presentar-vos ara sua faiçon ua bona partida deth repertòri tradicionau coseranés, ath son gost, j'ac podetz créder !

En tot alternar musica instrumentala e cant occitan, eth auditor qu'ei emportat en univèrs arrude e misteriós d'aqueras vaths on tot pòt arribar.

« Eths sons qu'entenetz qu'arriban tot dret dera nòsta montanha, deths libes vielhs, deths vielhes enregistraments e instruments. Se jamès vos i voletz passejar ; un dia, per aquesta montanha, s'arrodatz pera plaça d'un vilatge desèrt en plen caumàs, vosauts tanben, qu'ac veiratz arressoar, eth Coserans. E ça'm par ja vos venguerà era hame de dançà'u... » ça ditz Alice Traisnel qu’a composat era maqueta deth CD.

Prètz :15 € (pòrt + 3 €)
Chèc ath òrde de Bouilleur de Sons, enviar a Pierre ROUCH Era Tor 31160 HERRANH
Mès d'informacion sus : http://duobourryrouch.fr.nf/