Era nòsta letra d'informacion


Entà abonà's ara letra d'informacion deth Ostau Comengés, clicar ací



logo

Seteme 2017
Eth arc deth maitin : era ploja peth camin.
Eth arc dera vrespada que bota eth boèr ena laurada.

Editoriau

Ua explicacion deth Patrimòni Culturau Immateriau, gessuda d’un article de jornau d'Oriol Cendra, tecnician de cultura populara ath Servei de Cultura de la Generalitat de Catalunya.


DARRÈRAS PUBLICACIONS DETH OSTAU COMENGES...
logo
Eth album-CD Condes deth Coserans
Eth lengatge deths condes qu’é coma eth lengatge deth còr : que parla nà totis. Lops, broishas, hadas, innocents, pastors… personatges estacants que hèn arríder o que hèn pòur, que son totis aquiu mès dam aquera pepita en mès : que parlan gascon ! Alavetz, se voletz descobrir eras suas aventuras nà partatjar-las en ame eths vòstis, crompatz o crompatz-les aqueth album de condes deth Coserans que son estats cuelhuts en occitan auprès d’informators qu’an popat era lenga en tot nèisher.
Eras aquarelas de Laurie de Brondeau que s’inspiran dera tradicion e deths païsatges deth Coserans mès que balhan tanben ua tòca artistica contemporana en aqueth album d’un format 21 x 29 cm. Un enregistrament deth condaire Joan Pau Ferrè, acompanhat de musicas deths Pirenèus, interpretadas peth group ariegés Revelhet (CD junt ath album) que permeterà de plonjar en univèrs magic e trufandèr deths condes. Un bon moment d’escota ath solide !
Version francesa ara fin deth libe.
Eth libe que còsta 15 €. Que’s pòt crompar en diferents punts deth Coserans : a Bèthhag (Le Bistrot de Betchat), Sent Guironç (librariás La Mousson e À la lettre), Ost (estacion-servici Rozès), Sèish (tabac-premsa Le Salat), Castilhon (tabac-premsa L’Edelweiss) e Prat (tabac-premsa deth Couserans). Que’s pòt tanben comandar auprès deth Ostau Comengés en tot passar peth nòste siti www.oralitatdegasconha.net.
Ua serada de presentacion qu’ei prevista ena sala deras hèstas de Molins (09), eth dissabde 7 d’octobre, a 20 h 30, en preséncia deth condaire e deths musicians qu’an participat ath projècte.


logo
Dus documentaris DVD
Era ASVPP, basada a Portet de Aspèth (31) e La Bethmalaise (09) qu’an produït aqueste estiu dus films en occitan en partenariat dam Eth Ostau Comengés.

Que presentan ua seleccion de testimoniatges cuelhuts ath cap dera Vathlonga (a Portet e a Sent Lari) e a Vathmala auprès de personas qu’an eth occitan coma lenga mairala.

Que s’i parla deth país e deths cambiaments qu’a conegut, deras credenças, deras guèrras, dera lenga e d’un tepèr de causas…

Arrealizats per Renaud Lassalle, que’s pòden comandar en siti www.oralitatdegasconha.net ath prètz de 15 € cadun.



ENTÀ SORTIR...
ARRENS MARSONS (65)
1, 2 e 3 de seteme
logo
Hestenau TRAD'AZUN
3 bals gascons dab BROTTO LOPEZ & VOTZ EN BAL, TRENCADIT, CLICA DRONA, COCANHA, CIAC BOUM (Poitou), DIRTY CAPS.

Estagis de canta, de danças e de musica.

Concèrt de Vox Bigerri.

Entrada libra, restauracion sus plaça

Entà mès d'informacions : https://tradazun.jimdo.com/


ENCAUSSA (31)
Dissabde 16 de seteme
Sala deras hèstas
20 h 30
logo
Concert dab Alidé Sans : era artista aranesa que torna en Comenge !
1èra partida : A.I.A. (pop-rock)

Aqueth espectacle qu’ei organizat entà ajudar escolans qu’aprenguen eth occitan a partir en viatge pedagogic.

Entrada : 10 € (adultes), 5 € (mens de 18 ans).

Organizacion : Eth Ostau Comengés


HERRAN (31)
Deth 29 de seteme ath 1èr d'octobre
logo
Hestau Occitània : 3au encontre deths aboèses occitans : eths aboèses pirenencs

Divendres 29 de seteme
21 h 00
Concèrt dab Arredalh (Entrada : 8 €)

Dissabde 30 de seteme
14 h 30 : conferéncia sus eth grall de pastor, el graire dab Ignasi Ros Fontana, Francesc Sans Bonet, Sergi Llena, Philippe Destrem, Tito Peláez e Pierre Rouch.
- Presentacion deth metòde d'aprendissatge d'aboès deths Pirenèus (S.Llena et P.Rouch)
16 h 30 : visita dera exposicion « Eth nòste aboès ».
17 h 00 : concèrt ena glèisa : aboèses d'Occitània e deths Pirenèus (Entrada : 5 €)
20 h 30 : sopar e bal dab eras diferentas formacions deths musicians invitats (18 €)

Dimenge 1èr d'octobre
10 h 30 : taula arredona : eth ensenhament deths aboèses popularis occitans, catalans e aragoneses
14 h 30 : estagis sus era tecnica de respiracion abdominala dab Henri Villeux (jogaire d'aboès tradicionau e quinesiterapeuta especialisat taths musicians)
(Prètz : 10 €)

Organizacion : Bouilleur de sons
Contact : 05 61 98 51 95