Era nòsta letra d'informacion


Entà abonà's ara letra d'informacion deth Ostau Comengés, clicar ací



logo

Deceme 2017
Nà Senta Luça : un saut de puça. Nà Nadau : un saut de brau.

Editoriau

Ua explicacion deth Patrimòni Culturau Immateriau, gessuda d’un article de jornau d'Oriol Cendra, tecnician de cultura populara ath Servei de Cultura de la Generalitat de Catalunya.


Entà Nadau...
logo
Que cercatz ua idèa d’estrea entà Nadau ?
Anatz véder eth nòste siti e crompatz o crompatz-vos un DVD o un libe-CD en gascon !

www.oralitatdegasconha.net



ENTÀ SORTIR...
BOSSENS (31)
Divendres 8 de deceme
Sala deras hèstas
20 h 30
logo
Teatre occitan dab La Rampe TIO.
Pèça de teatre en occitan sus-titolada en francés : Vida vidanta.
http://www.larampe-tio.org/vida-vdanta-en-tournee-en-haute-garonne/

Organizacion : Conselh departamentau de Nauta Garona e comuna de Bossens


BANHÈRAS DE LUISHON (31)
Dissabte 9 de deceme
Sala Henri Pac
20 h 45
logo
Prumèr CD d'Arredalh !

Eth grop Arredalh (Mathieu Bares e Wilfried Abo), duo de cantaires e musicians deth Comenge, que sòrt eth sòn prumèr album qu'aurà per títou Un país de goelhèr. Quinze tròci que vos seràn presentats en concert, seguit d’un bal occitan dab eth grop Parpalhon de Bigòrra. Ua serada especiala a gratis entà vos arremerciar deth vòste sosten e encoratjament o eth parat de descobrir aqueras composicions actualas ena lenga nòsta.

Contact : mathieubares@orange.fr




LORAS-VAROSSA (65)
Divendres 15 de deceme
Sala deras hèstas
20 h 30
logo
Serada Occitana
Concèrt dambe Eric FRAJ e en prumèra partida, eths escolans deth collègi dera Varossa e eth talhèr de cants de Varossa.
Entrada : 2 €, a gratís peths mens de 18 ans.



GUAUS DE LUISHON (31)
Dissabde 16 de deceme
En çò de Justau
19 h 30
logo
Serada Gascona
Serada gascona dab cants, calor e arrepèish.
Reservacions ath 05 61 79 00 97, atencion, nombre de plaças limitat !


BÈTHHAG (09)
Dijaus 28 de deceme
Le Bistrot de Betchat
A compdar de 19 h 00
logo
Arrepèish d’ivèrn animat peths joens deth Comenge.
Cançons de Gasconha e deths Pirenèus.
Ua serada conviala entà descobrir (se non la coneguetz dejà) eras especialitats de Marie-Ange Quignon.
Que vos calerà reservar.
www.bistrot-de-betchat.com


E après eth ivèrn…

logo
Passa-Pòrts 2018 que’s prepara…
Eth Ostau Comengés qu’a eth plaser de vos anonciar eras datas dera 15au edition deth hestau Passa-Pòrts : que serà eths 6 e 7 d’abriu de 2018, a Montrejau (31).
Era programacion que serà ath còp occitana e pirenenca dab bals, estagis, cantadas, ua conferéncia seguida de ua taula arredona sus era Sent Joan e eths enjòcs deth classament pera UNESCO, animacions naths collegians e liceans, arrepèish deths productors deth parçan, convivialitat, escambis, arrencontres…
Que vos podem déjà anonciar que i aurà un grop basco, un comengés e un deth país de Nissa. Arnaud Cance que venguerà cantar e qu’animarà tanben un estagi de cant. Eth programa complet que serà lèu disponible en nòste siti e ena nòstra paja Facebook.
Se non coneguetz cap Passa-Pòrts, que vos invitam a aueitar era video dera edicion 2017 en tot clicar ací : www.youtube.com/watch?v=DsA6lYsys4M